Atseline Winklaar · Fundadó di ECHT.BON
Unda tur kos ta kuminsá
Tin biaha un idea ta kuminsá chikitu. Ku un pregunta, un kombersashon òf e sintimentu: aki nos por hasi algu kuné.
Mi ta kuminsá ku e esensia di un situashon i di ei mi ta traha na un aserkamentu ku ta kuadra. Mi ta trese mas ku 16 aña di eksperensia den komunikashon na Rijksdienst Caribisch Nederland, di konseho tokante asuntunan sensitivo te na kampañanan, atendé ku prensa i produkshonnan di radio i video.
Ku ECHT.BON mi ta yuda desaroyá idea i transformá nan den plan i akshon konkretu. Mi ta kombiná strategia ku un forma di traha práktiko, investigá posibilidatnan i yuda konektá hende i organisashonnan.
Ademas, for di ECHT.BON mi ta desaroyá mi mes ideanan i konseptonan sosial. Paso pa paso, ku espasio pa investigá, pone na prueba i adaptá kaminda ta nesesario.
Un ehèmpel di esaki ta SANAUNDA, un plataforma digital pa buska, hasi visibel i konektá. Lesa mas tokante di esaki bou di Inisiativanan.
For di práktika
For di Gara – Di idea pa ehekushon
Durante mi tempu di servisio na Rijksdienst Caribisch Nederland mi a krea i desaroyá For di Gara: un intervenshon ku un kampaña multimedia pa hasi hóbennan konsiente di e pelígernan di eksplotashon kriminal. A ehekutá e konsepto na 2025 den kolaborashon ku partnernan di kadena i esaki a haña un kontinuashon na 2026.
Un eksperensia di kolaborashon
Su kompromiso ku hóbennan, su kreatividat i ideanan a hasi posibel pa nos por a yega físikamente na hóbennan na skolnan ku e programa ‘For di Gara’.
Basá riba mi eksperensianan ku Atseline, ku ta bai bèk te na 10-10-10, mi por rekomendá tur hende pa hasi uso di su eksperensia i konosementu.
Louis H. Coppen
Kordinadó di kadena di estranheronan di Karibe Hulandes anterior
ECHT.BON ta para pa
Honesto · Konkretu · Ku kurason · Orientá riba futuro
Tur hende ta di balor.
Tur hende tin algu pa aportá. Kada un di nos tin su propio momento pa krese, kontribuí òf bria. Nos mes por krea e espasio ei, òf e por surgi ora hende ta mira otro, konektá ku otro i yuda otro pa sigui pa dilanti.
Mi ta kere den duna otro e espasio ei.
Echt. hasi e diferensia.